कमलाबाई सोमनानी अनंतात विलीन* शोकाकुल वातावरणात अंतिम संस्कार *अंत्यविधीला जमला फार मोठा जनसमुदाय. माजी मंत्री तथा आमदार डॉ. धर्मराव बाबा आत्राम यांनी घेतले पार्थिवाचे अंतिम दर्शन...

विदर्भ दखल न्यूज 

आरमोरी 

 आरमोरी तालुक्यातील वैरागड येथील बलराम सोमनानी (भोलूभाऊ) यांच्याb मातोश्री कमलाबाई सोमनानी यांचे 20 मे रोजी वृद्धापकाळाने नागपूर येथील एका खाजगी इस्पितळात प्राणज्योत मावळली.

गुरुवार 21 मे रोजी कमलाबाई सोमनानी अनंतात विलीन झाले असून वैरागड येथील वेलोचना नदीघाटावर रितीरिवाज व परंपरेनुसार विधी करून मोठ्या जनसमुदायाच्या साक्षीने शोकाकुल वातावरणात अंतिम संस्कार करण्यात आले.

आमदार डॉ. धर्मराव बाबा आत्राम यांनी अचानक घडलेल्या दुःखद घटनेमुळे अहेरी येथील नियोजित कार्यक्रम रद्द करून वैरागड येथे तात्काळ धाव घेऊन कमलाबाई सोमनानी यांच्या पार्थिवाचे अंतिम दर्शन घेतले व सोमनानी परिवाराचे सांत्वन केले. तसेच आमदार परिणय फुके, माजी आमदार देवराव होळी, माजी आमदार आनंदराव गेडाम,माजी आमदार रामकृष्ण मडावी, रवींद्र वासेकर,राजेश कात्रटवार,संदीप ठाकूर,सुरेंद्र चंदेल,रियाज शेख, एडवोकेट कविता मोहरकर, डॉ.सोनल कोवे,माजी जि.प .सदस्य केशव गेडाम,सरपंच संगीता पेंदाम,उपसरपंच भास्कर बोडणे व अन्य राजकीय व सामाजिक पदाधिकारी पार्थिवाचे अंतिम दर्शन घेऊन श्रद्धांजली वाहिली 

कमलाबाई सोमनानी यांचे शांत, प्रेमळ, मनमिळाऊ स्वभावामुळे आणि गोरगरिबांना नेहमी मदतीच्या वृत्तीमुळे व भोलूभाऊ सोमनानी यांच्या लोकप्रियतेमुळे विविध क्षेत्रातील व नामवंत मंडळी हळहळ व्यक्त करून अंत्य विधीत मोठ्या संख्येने सामील झाले होते. कमलाबाई सोमनानी यांच्या पश्चात चार मुले, चार मुली, सुना, नातवंडे आणि बराच मोठा आप्तपरिवार आहे.